 |
|
|
Sunnerai-Fest und Sunnerai-Show
Es Schuelhusfäscht zum Jahresschluss
isch jedesmal de Mega-Hit!
Da mached i eusem Schuelhus
ob gross oder chli grad alli mit.
S hät Kino, Kasino, Tarzanbahn,
s git Disco, Drinks und sich la schminke,
s git Waffle,Hotdog, Wundertrucke
und au ganz viel zum Trinke.
S ganz Schuelhus isch da uf de Bei
bim Spiele,Schwätze, Tanze, Lache
und jede cha det, wo s em gfallt,
de ganzi Abig lang mitmache.
Am andere Morge, wänn ufgrumt isch,
gits zum Schluss de zweiti Riesehit.
E Show wird us em Bode gstampft,
und wer will, macht da grad namal mit!
So isch im Schuelhus Sunnerai
s alt Jahr verklunge und verbi
und wänn me d Chinde fräge tuet,
dänn sägeds: S isch lässig gsi!
|
|
